| |||||||||
| |||||||
| أرشيف المواضيع أرشيف المواضيع المواضيع القديمة التي تمت نقلها بالخظأ لأقسام غير أقسامها |
| | LinkBack | أدوات الموضوع | انواع عرض الموضوع |
17-06-2005, 09:58 PM
| رقم المشاركة : [1 (permalink)] | |
| ღ°இ مـراقبـة عــامــة இ°ღ 
| هام جداً جداً جداً بالنسبة للفيديو كليب الهابط ...
الموضوع طويل شوي وبتمنى تقروا كلو ومابيهمني الردود على قد مابيهمني الفعل.. نحنا البلاد العربية من فترة مو طويلة كتير ...عملنا شغلة اسمها " المقاطعة " عن البضاعة الامريكية وبلشت بفكرة صغيرة وكبرت وكبرت لحد ما امريكا تأثرت اقتصادياُ واعترفت بهالشي طيب... نحنا هلاء كشباب وصبايا عرب عنا قيم ومبادئ ومرباين تربية بتشرفنا انو نكون شرقين والحمدلله ليش لنشجع محطات فضائية عربية بتعرض فيديو كليبات مالها طعمة ليش نحنانشجع الجيل الي اصغر منا انو كل شي عم بيصير عادي! لبس ماريا طبيعي وحركات نجلا طبيعية ورقص روبي عادي و غيرووو بيجوز نعرف الغلط من الصح لانو وقت كنا صغار بعمر ال8 وال10 ماكان في هيك شي ووقت كبرنا كشفنا انو مغنية عربية لبست شرشف ابيض (اليسا) انجنينا!! فما بالك الجيل هلاء يلي ستار اكادمي قدوتو والرقص الخليع هوايتو وطبعا شي صار طبيعي كتير مو حرااام ؟؟؟؟ اختك الصغيرة ؟ بكرة بنتك ؟؟ لانو اذا حنضل عالهالمستوى من الفيديو كليبات وكل مالو عم يوطى! وكلنا عم نقول يعدمني اياها وبنتفرج بالعكس عم نعملهن دعايات كل يوم على قولة شفتيها "فلانة" شو لابسة وشفتيها "علتانة" شلون عملت وشو ساوت الي ماشاف عم يركض عالبيت يدور عالفيديو كليب الي راح عليه والي شاف بيقلك: لوين بدهم يوصلو !!ونسبة قليلة جدا من الشباب ومعظمهم المراهقين الي بيقول انو انشالله بيصير العن وبيتفرج على الاغاني بمزاج عالي! والمشكلة انو هالقصص عم تأثر على الطبقة الاجتماعية بشكل كبير يعني: لاحظولي يا صبايا وقت بتروحوا على عرس او خطبة كم هيفاء وروبي ونانسي بتشوفي؟؟ بتطلع غنية لمطربة هابطة مابلاقيهن غير كلهم متل صف المدرسة عم بيعملو نفس الحركات بنفس الوقت! طبعا اخدين دروس لشبعانين من كتر مو مقلدين شي تفاهات..... وين قوة الشخصية وين التميز؟؟ من امتى كنا لازم نعمل مكياج هي وتنورة هديك وبنطلون مابعرف مين وحتى صار لازم نعمل عمليات تجميل وكتير عادية ماعادت عيب !!حتى نلفت نظر؟؟ ولا نظر مين؟؟ نلفت نظر شب ماعاد عجبو العجب...لدرجة انو البنات هلء بتتحركش بالشب ياحيف! طولت............. نحنا يوم القيامة رح ننسئل عن كم بنت وشب شفناهن مغرين! وحتى الدّاعيات بيقلولك انو الاغاني اذا فيها اثارة للجنس او للقتل او للشهوة فمالازم نسمعهن... هلاء ماعم نطلب منك كل هالشي عم نحكي عن الشي الزايد عن حدو بكرة رح ننسئل يوم القيامة انو: شو عملت مشان هالشي؟؟؟ شو الي غيرتو؟؟ ولا تقلي مافيك تعمل شي! ولا تقلي عم شوف هالشوفة مشان شوف لوين بدون يوصلو ولا عم شوف مشان ضل على اخر التطورات بالساحة الفنية لا يا عالم خلونا نعمل شي! فينا بكل بساطة نجي على حالنا شوي ونلغي اولاً هالمحطات من بيتنا نشفرهم بلش من بيتك ... واحكي بكل ثقة وفخر السبب الي شفرت فيها هالقناة وخلي رفيقك وجارك وخالك و.... مو شغلة فظيعة بس اكيد اول أي شي حتبلش بخطوة وهالخطوة هي حتكون من عنا احنا اباء وامهات الغد واحنا ومن بلدنا ولكل انحاء العالم رح نبلش نخفف الي عم ببيصير ونلغيه ومافي شي صعب والله بيحب الجماعة ومارح يخيبنا انا مش عم عقّد الموضوع انا كمان عم شوف فيديو كليبات أشكال وألوان بس تدريجيا عم بلغيها من مخيلتي عشان ما لقيت شي استفيدو منها انا متاكدة انو في حد رح يخالفني الرأي وفي حد كمان رح يوافقني كل التحية لكم | |
|
| إعلانـات تــجـــاريـــة |
« الموضوع السابق
|
الموضوع التالي »
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
الساعة الآن 12:18 AM.
Powered by vBulletin® Version 3.7.1, Copyright ©2000 - 2008, Jelsoft Enterprises Ltd.
Search Engine Optimization by vBSEO 3.1.0 TranZ By Almuhajir
Search Engine Optimization by vBSEO 3.1.0 TranZ By Almuhajir
