مقارنة بسيطة بين (طفل فافي) و (طفل بيئــة)

**المغرورة** · 06-05-2005, 08:36 PM

*الطفل الفافي :

1-الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -

6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....
- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشي****ر و كيس شيبسي و عصير جهينه او ايزي موزوو
-

8- يسلم على دادي اللي يديله البوكيت موني بالدولار ..... مش بيعرفو حاجه اسمها شيكل طبعا
- شيكل؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..

10- يركب الباس بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

*الطفل البييييئه :

1- طآآآآآآخ .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -

2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!!!
- طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي
: مصروف ايه ؟؟... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... تشششششش
- ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباس او عربيه نقل وقضيها شعبطه ....
- لياااااااااااااااااااااااااااا قة -

في طابور المدرسه ....

*الطفل الفافي :

1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني -

2- الطابور كله تمارين ونشاط ....
- على انغام الدي جي () -

3- الاذاعه المدرسيه ... اخبار من مجلات (واشنطون بوست)
- وطبعا .... مافيش ترجمه -

4- يغنو النشيد الوطني بقيادة المايسترو
- -

5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

*الطفل البيئه :

1- داخل المدرسه متأخر وحالته نيله
- اتشعبط في مكروباس 2- بعد التذنيب والشتيمه من مدرس الألعاب ... انضم لباقي زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -

3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -

4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشه -

5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -

بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي

*الطفل الفافي

1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -

2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

3- هاني ... دينر از ريدي
- السيييم بتاعهم لما يجهز الغدا -

4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك
- -

*الطفل البييئه :

1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك -

2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -

3- ترااااادااتراااااااااااااااااا ااااااا ...
- دي اعلان الحرب ... أو الغدا <هجووووووووووم> -

4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير -

بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟

*الطفل الفافي

1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -

2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- 3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ...-

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -

5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي -

*الطفل البيييئه :

1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم
- 2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -

3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله -

4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه -

5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل -

منقوووووووووووول مع بعض التعديلات

**beauty girl** · 06-05-2005, 09:05 PM

مرسي اخت المغرورة علىالموضوع والله حلو بس كسر خاطري طفل البيئة
واحد مدلل والتاني دلاله غير شكل

**عاشق الساهر** · 07-05-2005, 12:05 AM

مشكوره اختى

بس الكل بيدلع على طريقتو
فى ناس بتدلع بالفلوس وفى ناس بتدلع بحرمانهم منها

تحياتى/عاشق الساهر

**ramez** · 07-05-2005, 10:30 AM

طراااااااااااااااااخ على راسك
مشكورة أختى بجد رائعة
وحلوة
يعطيك العافية

**محمد ابو سمرة** · 07-05-2005, 05:24 PM

باب ماما يللى بااااااااااااى رايح على المدرسة

هذا الفافى الاا بقول هيك

امن بعين المعسكرات ايش بقول

يلعن ربكوا على رب المدرسة كس امها من مدرسة

يوم يوم وين بتلقواه على الحواز

سلام

06-05-2005, 09:05 PM	رقم المشاركة : [2 (permalink)]
beauty girl وطني ذهبي متميز	مرسي اخت المغرورة علىالموضوع والله حلو بس كسر خاطري طفل البيئة واحد مدلل والتاني دلاله غير شكل
beauty girl وطني ذهبي متميز

07-05-2005, 05:24 PM	رقم المشاركة : [5 (permalink)]
محمد ابو سمرة عضو موقوف من الإدارة	باب ماما يللى بااااااااااااى رايح على المدرسة هذا الفافى الاا بقول هيك امن بعين المعسكرات ايش بقول يلعن ربكوا على رب المدرسة كس امها من مدرسة يوم يوم وين بتلقواه على الحواز سلام
محمد ابو سمرة عضو موقوف من الإدارة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)