قمر الزمان

بسم الله الرحمن الرحيم

من أول ما فتحنا عيونا واحنا كل يوم بنسمع في ناس ماتت واستشهدت والعمليات الاستشهادية شغالة ، والاسرائليين كل يوم بيزيد عنفهم عن اليوم التاني ، والعالم بيتفرج ما بيحرك ساكن العرب مكتومين وامريكا واسرائيل نازلة تدبح فينا ، مع انه كل اللي صار النا بسبب خيانة عربية وكنا مفكرين بس احنا اللي هنضل تحت الاحتلال بس تفاجئنا بسقوط بغداد ، عنجد كانت مفاجأة ما حد كان بيتوقع اللي صار والعراقيين مساكين بيفكروا حالهم تخلصوا من صدام مش عارفين ايش جاييهم ، انبسطوا واحتفلوا لما دخلوا الامريكان عندهم قال يعني فكروا حالهم انهم تخلصوا من صدام مش عارفين انه لسا ارحم من بوش واعوانه 0
لكن الايام بينت المتخبي وما في يوم بمر من غير انفجارات في بعقوبة والفالوجة وغيرها من المدن العراقية وصارت الناس تصوت والله غير نطلعهم من عنا والله غير يدفعوا التمن 0
وكانوا التاريخ بعيد نفسه بس مع تغير بسيط ، احنا ما كنا بدنا الاحتلال بس هم كانوا بدهم اياه 0
والغريب انه العرب ضايلين ساكتين مصدقين مسرحية بوش وبلير ولا لازم يصدقوا هي هادي لازم يصدقوا - عشان ما حدا يكدبهم بعدين بيروحوا في داهية وشو بدهم بالهم هاد سكوتهم وحياتهم اهم من كرامتهم ، مع انه الواحد ما بيعيش من غير كرامة 0
المهم العراقيين شو رح يصير فيهم بعدين ، فكركو الحكومة الانتقالية تبعتهم ولا بريمر بيقدروا يعملو اشي ولا رح يعانوا زينا طول حياتهم مش رح يدوقوا طعم الحرية تاني 00
بيني وبينكو ما في حدا دايق طعم الحرية الكل مكبوت من اعلى رتبة في العرب لاصغر رتبة كلهم ساكتييين وما حدا بيقدر يتكلم 0
على العموم الله يفرجها علينا وعل كل المسلمين اللي مش قادرين يعملوا اشي ولكن ( ان تنصروا الله ينصركم ويثبت أقدامكم )

__________________
(**اتقوا الله ما استطعتم **)

Gaza

__________________