اصعب سؤال اللي جوابه للاسف مثله سؤال
ما هو تفلسف الا موقف صار واسمع ثاني بيت


البارحه يومه سأل وش ذكرك ذيك الليال
كان الجواب بكل بساطه من متى اصلا نسيت



ادري بان جمع الصعوبه والبساطه شي محال
لكنها صارت كذا واللي اهم اني دريت



ان الحياه في بعد احبابك اذا جف الوصال
تعيشها لو تقتنع انك خلاص اصبحت ميت



يا صاحبي لو كل شي يمر بالخاطر يقال
ما كانت العبره تولجني اليا منك طريت


شفني قدرت احبس دموعي بس دمع القاف سال
يا كبرها ساكت ولكن داخل اوراقي بكيت



عمر الحكي ما كان دافي لا بتدى بقولة تعال
لجل تجاهل رجفة حروفي اليامني حكيت


الحال في بعدك قسم بالله ما اسميه حال
انوي على الضحكة واحس كلي خطا اني نويت



اتصور انك من رحلت اشوفك ل جسمي ظلال
لا شفته امشي ببتعد واثره معي مهما مشيت



مدام يعني في بحرك لفرحتي مليون جال
وش فيه موجك، ما ركد قربت اموت وما رسيت



صرت اعقد حجاجي اذا جابوك باطراف الجدال
وانا قبل لا قالوا اسمك كني ميت ثم حييت


تعبت اعيش الدور وافتح للمعاذير الخيال
واتخيل اني جيت في بالك وبانك استحيت



وتردلي كلك وله وتقول كن البعد طال
ومن الفرح ما اعاتبك واقول يا خي ما بغيت



حتى وانا اتخيل حشمتك لان قلبي لا يزال
يكرر اسمك داخل اعماقي بنبضه لا سهيت



قلي ويش اسوي فيك وانت بداخلي اصدق مثال
للحب واحساس القصيد ان عانق الليل وسريت



ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت



تدري ان اصعب سؤال اللي يجي رده سؤال
لا قلت لي وش ذكرك ؟؟ ثم قلتلك من متى

*
*

مشهد (1)

مشهد (2)

مشهد (3)

مشهد (4)

*
*

المشاركة الأصلية كتبت بواسطة ahmad sh مدائن رائعه كعادتك باختياراتك دمتي بخير

*
*

المشاركة الأصلية كتبت بواسطة عسوله قصيدة أكثر من رآئعه وشاعريه جميلة صح لسان قايلها وتسلم يد ناقلها مدآئن.. جزيل الشكر ؛

*
*

*
*

*
*

*
*

قلبي لا يزال يكرر اسمك داخل اعماقي بنبضه لا سهيت قلي ويش اسوي فيك وانت بداخلي اصدق مثال للحب واحساس القصيد ان عانق الليل وسريت

*
*