حبيبي راح ونسان

جميع أعضاء منتديات وطن كلهم متميزين ....
بس ودي نشعلل منتدانا ونخليه في القمه وانا من خلال مشاركتي ذي اود منكم جميعا وبدون استثناء المشاركه ودي كل واحد منكم يكتب موقف طريف مر عليه او موقف صعب مر عليه علشان يزداد الحماس داخل منتدانا
وانا اول واحد رح يكتب لكم اصعب موقف مر عليه ....
اصعب موقف مر عليه ....
لمن كنت صغير وكان عمري حول 12 او 13 سنه كنت توني متعلم السواقه وكنت اعرف اشغل السياره واعرف اطفيها وكنت اروح مع الوالد وكان يخلين اسوق بس بعيد عن الناس في القريه حقتنا وكنت مهووس بالسواقه المهم الوالد كان حريص على سيارته وكان خايف مني اني اسرقها من عنده وفي يوم من الايام كانت حزة الضهريه وكان الجو عندنا في مكه حر مرررررره المهم تغدى ابوي ونام وانا كنت اراقب فيه الين نام وجيت وبكل هدوء وأخذت مفتاح السياره وماني مصدق لا وبعد كنت موعد اثنين من العيال وكانوا منتضريني في الشارع المهم شغلت السياره وجيت ابي امشي وطفت عليه باقي معرف اسوق زين هذا اول شي المهم بالقوه مشت السياره بعد مارفعت ضغطي وأخذت العيال وقعدنا نلفلف في الشوارع العالم مريحين انفسهم واحنا نلفلف في الضهريه شمس مووووووت المهم قلت ياعيال خلاص بكره امركم ابوي اخاف انه صحى من النوم بس ابي اروح البيت بس كنت بصرفهم ولا انا ماني رايح للبيت ابوي يصحى الساعه 4 العصر يصلي ويروح الدوام المهم وديت العيال كل واحد بيتهم وقعدت انا لوحدي اللفلف في ذيك الشوارع لين داخ راسي وجيت راجع للبيت يوم دخلت حارتنا الا وعمي مار مع الشارع وانا انفجع ماعاد ادري وش اسوي يبي يعلم ابوي المهم شافني عمي خلاص انا معاد ادري الفرامل وين والكلشت وين ولاعاد ادري عن شي وعمي يصيح ويوقف في الخط يبيني اوقف ونا من الخوف ماعاد ادري والله واقرب من عمي واطيره صدمت عمي والتموا الناس على الحادث وانا من الخوف حطيت رجلي عند جدي وجدي بعد مادرى بالسالفه المهم اخذوا عمي المستشفى وطلع عنده كسر في الساق وعرف ابوي اني انا الي صدمت اخوه وبغى يذبحني كفخني تكفيخ وبعدها كذه بــــ 5 أيام رحت لعمي في المستشفى ودخلت عليه في الغرفه مسكني ولد عمي الكبير وكفخني وعمي كان على السرير وقاعد يرمي فيني بكرتون المناديل وبالكاسات حتى المخده رماني ابها وبعدين قعد يضحك ويقول بغيت تذبحني يادلخ وانا اقول والله ماكان قصدي سامحني وانا جالس عنده وكل 5 دقايق اقول عمي قل سامحتك رفعت ظغطه وصكني بمخمس ويقول تراك ذبحتي سامحتك خلاص ............
هذا اصعب موقف مر عليه ....
أرجوا منكم المشاركه وكل واحد يكتب لنا موقف حدث معه
اخوكم / حبيبي راح ونسان

أحلى عيون

يسلموا ههههههههههههه


مشكووووووووووووور

__________________

شكر خاص الى من أهداني هذا التوقيع أبو جريح

حبيبي راح ونسان

فين موقفك الي مر عليك

صوت الحق

__________________

.... بحبكم كتير الله لا يحرمني منكم :) ....