| مليت قربك لاتقولي وش فـي
عقب الجفا واليأس جت نفسك ذليلـه
قد قلت لك بكره تبوسها يـدي
ويطيح دمعك مابقت لك وسيلـه
أغواك حلمك ماتوصلت لشـي
راح النهار وعمرك اليوم ليلـه
عطيتك الحنان والحب والضـي
وشعلت لك شوق ٍ نثر سلسبيلـه
ماقلت لك ياخاين عمرك شـوي
لحظات عمرك في يديني قليلـه
توك تجيني ضامي رشفت المي
الشوق جف وكدر الوقت سيلـه
هالحين صرت عاشق كل مافي
وقلبك يحس بهمي اللـي أشيلـه
وينك من اول خافقي انكوى كي
وزدت جروح ٍ في خفوقي عليله
بقول لك دام الدقايق بهـا حـي
وحلمك يموت ولابقتلك حصيلـه
اليوم صرت في حياتي ولا شي
الموت حل وطعنتي لـك قتيلـه
خلاص موت لاتقولي وش في
الموت رحمـه بالحيـاه الذليلـه |